《李華華》香樹輝筆伐雷曼苦主幕後黑手

1. 轉載自：蘋果日報 2011年4月28日(四) B版 中環在線: 《李華華》香樹輝筆伐雷曼苦主幕後黑手

噚日，「一群中環金融從業員」喺香港 4份主要報章，落咗一個題為「唔該大家公道啲！」嘅廣告。洋洋千幾字講述呢兩年嚟，佢哋返工嗰陣，飽受雷曼苦主各式各樣示威造成嘅滋擾，情況有啲失控，甚至侵犯他人自由，喺忍無可忍下，決定不再沉默。

「一群中環金融從業員」份量非輕

廣告批評雷曼苦主嘅抗議模式，喺中上環好似癌細胞咁擴散，越嚟越激，除咗喺中環各大銀行、主要街道張貼有人身攻擊嘅旗海同橫額，又披麻戴孝將認為要為事件負責嘅人張相，整成靈堂相，搞到國際金融中心變成殯儀館集中地。

咁，呢則廣告究竟係邊個落嘅呢？ 華華八到，係由公關公司宙輝落嘅，至於宙輝老闆，就係城中名嘴之一「香帥」香樹輝。華華第一時間問香帥做乜咁激？到底邊一幫人咁有米，請佢哋登廣告，用錢筆伐雷曼苦主？ 香帥死都唔肯透露半點口風，仲話自己作為專業公關，唔可以爆客仔私隱，否則，點可以細水長流撈咗廿幾年。

至於邊個請得郁香帥出手？華華八到，「一群中環金融從業員」應該係一個重份量嘅人，至於邊個咁睇班苦主唔順眼？ 你話呢！

轉載自：蘋果日報 2011年4月28日(四) B版 中環在線

2. 轉載一位名為“中間人”的評論，轉自 “誰人抹黑雷曼苦主？？” （http://hk.myblog.yahoo.com/iam-marclee/article?mid=1991）。